„მრეწველობა გადაარჩენს საქართველოს თუ საქართველომ უნდა არჩინოს „მრეწველები?“ – ამ რიტორიკულ კითხვას „ფეისბუქზე“ პრეზიდენტის მრჩეველი, საია-ს ყოფილი ხემძღვანელი, კახა კოჟორიძე სვამს და იქვე გამარტავს, რომ ჩვენი საარჩევნო კანონმდებლობა მრავალმხრივ დასახვეწია.
„ერთი რამ კარგად უნდა ვიცოდეთ: ვერასოდეს ვერ დავწერთ ისეთ კანონებს, რომელსაც გარკვეული არაკეთილსინდისიერი თუ უსამართლო გზებით პოლიტიკოსები (ან სხვები) გვერდს ვერ აუვლიან. ასეთი სრულყოფილი კანონმდებლობა მსოფლიოში არ არსებოს და არც არასოდეს იარსებებს. მაგრამ ჩვენ რომ გვინდა გავხდეთ ისეთ ქვეყნებში რაც არსებობს, არის შემდეგი: 1) პოლიტიკური კულტურა და მორალი, რომელიც პოლიტიკოსს უზღუდავს არაკეთილსინდისიერი მოქმედებების შესაძლებლობას და 2) სამართლიანი სასამართლო. ოხ, ოხ, კარგი მოსამართლე რა გადაწყვეტილებას დაწერდა ამ ხელოვნური ფრაქციის საქმეზე. პროფესიული თვალსაზრისით გემრიელი ლუკმაა, მაგრამ ჩვენს დამატებით (უფრო სწორად, მთავარ!) პრობლემად კვლავ რჩება ის გარემოება, რომ ასეთი მოსამართლეები უმცირესობაში არიან. სამართლის ნორმის განმარტება არ არის მხოლოდ კანონის გრამატიკული ტექსტის წაკითხვა. მხოლოდ გრამატიკულად კანონს კითხულობდნენ ევროპელი ლეგისტები 800 წლის წინ, რომაული სამართლის აღდგენის დროს. მას შემდეგ განვითარდა ევროპული სამართალი. რადგან ჩვენ ქართველები და, მაშასადამე, ევროპელები ვართ, იქნებ, ჩვენი სამართალიც განვავითაროთ.
კანონის სწორი განმარტების უამრავი თეორიულ-ფილოსოფიური ხერხებისა და მეთოდების ჩამოთვლა შორს წაგვიყვანს, თან საჭიროც არ არის. მოცემულ შემთხვევაში სამართლის პრინციპი ისედაც მარტივია და ნათელია: პრივილეგიებით ისარგებლოს იმ პარტიამ, ვისაც ხალხის მეტი მხარდაჭერა აქვს. არ არის მარტივი? არ არის სამართლიანი? შევეკითხეთ ნებისმიერ გამვლელს და, თუ სამართალს არ განვავითარებთ, გამვლელებს მაინც დავუჯეროთ. ამ კითხვებზე სწორი და სამართლებრივად დასაბუთებული პასუხის გაცემა ჩვენი ხარვეზიანი კანონმდებლობიდანაც შეიძლებოდა, მაგრამ როგორ მოვიქეცით: ხარვეზიანი კანონმდებლობის უხარვეზო პრინციპი გვერდზე მივაგდეთ და რაც ხარვეზიანი წინადადება ვიპოვეთ ზუსტად ის წესად ვაქციეთ. რატომ? ამ კითხვაზე პასუხი ისევ მანკიერ წრეზე წაგვიყვანს და პოლიტიკურ მორალთან, სამართლიან სასამართლოსთან და კიდევ სხვა მსგავს რაღაცეებთან მიგვიყვანს. ხოდა, სანამ პოლიტიკური კულტურა თუ მორალი ამაღლდება, სანამ ღირსეული მოსამართლეები უმრავლესობაში მოვლენ და სანამ მრეწველობა გადაარჩენს საქართველოს, მანამ საქართველომ უნდა არჩინოს მრეწველები. ასეთია რეალობა სიღარიბე და უმუშევრობა პრობლემების რეიტინგის მუდმივი ლიდერი რომ არის, აი, იმ ქვეყნაში“, – წერს კახა კოჟორიძე.
