“ქართული ოცნების” საარჩევნო შტაბს კახა კალაძე უხელმძღვანელებს. ამის შესახებ პარტიის თავმჯდომარე, გიორგი კვირიკაშვილმა პოლიტიკური გაერთიანების ცენტრალურ ოფისში, საგანგებო ბრიფინგზე განაცხადა.
“ჩვენ გადავდივართ წინასაარჩევნო პერიოდზე – ეს იქნება ძალიან მნიშვნელოვანი პერიოდი, რომელიც ღირსეულად უნდა გავიაროთ და დავამტკიცოთ, რომ ის მაღალი დემოკრატიული სტანდარტი, რომელიც საპრეზიდენტო და საპარლამენტო არჩენვებზე ვაჩვენეთ, უნდა გავაუმჯობესოთ.
საარჩევნო შტაბის უფროსი კახა კალაძე იქნება – მან დაამტკიცა რომ კარგი ორგანიზების უნარი აქვს.
კაპიტნის თვისებები მნიშვნელოვანი იქნება, რომ მივაღწიოთ გამარჯვებას, რაც საქართველოს გამარჯვებას ნიშნავს.
ჩვენი მიზანია, რომ კონკურენცია კონფრონტაციაშია არ გადაიზარდოს
მმართველ ძალას გაასმაგებული პასუხისმგებლობა გვაკისრია – სხვა პოლიტიკურ ძალებსაც დიდი პასუხისმგებლობა აკისრიათ, რომ დაამტკიცონ, საქართველო არის უპირველეს ყოვლისა.
არჩევნების დემოკრატიულ ხარისხზე იყო დამოკიდებული ჩვენი ქვეყნის დემოკრატიული განვითარება”, – განაცხადა პრემიერმა.
