„ქართული ოცნება – დემოკრატიული საქართველოს“ საარჩევნო შტაბის ხელმძღვანელი კახა კალაძემ აცხადებს, რომ წინასაარჩევნოდ დესტაბილიზაციის მოწყობის სურვილს „ნაცმოძრაობის“ ლიდერები ხმამაღლა აჟღერებენ.
„დასრულდა ის დრო რაც 2012 წლამდე ხდებოდა – ქვების სროლა და ხელკტებით სირბილი. ქვეყანაში რევოლუციის და დესტაბილიზაციის მოწყობას ვერაინ გაბედავს“ – თქვა მან.
მისი თქმით, არჩევნები მშვიდობიან გარემოში ჩატარდება.
„რაც შეეხება დესტაბილიზაციას და არეულობას, ამას თვითონ „ნაცმოძრაობის“ ლიდერებიც არ მალევენ თავიანთ გამოსვლებში. არ მალავს თავად მიხეილ სააკაშვილი და არც ერთ-ერთი ტელევიზიის ხელმძღვანელი. მინდა ჩვენი ქვეყანა და ხალხი დავამშვიდო და მოსახლეობას ვუთხრა, რომ ქვეყანაში არავის გამოუვა დესტაბილიზაცია და არეულობის მოწყობა. არსებობს უფრო თანამედროვე გზა და ეს არის არჩევნები“, – განაცხადა კახა კალაძემ.
