მაქსიმალურად ვეცდებით, დასავლეთ საქართველოში სტიქიით მიყენებული ზარალი ავანაზღაუროთ,- ამის შესახებ ვანის რაიონის სოფელ სულორში ჟურნალისტებს ვიცე-პრემიერმა, კახი კალაძემ განუცხადა.
მისივე თქმით, ხელისუფლება ეცდება, უმოკლეს დროში მოაგვაროს ყველა პრობლემა, რომელიც სტიქიის გამო შეიქმნა.
“ზარალი საკმაოდ დიდია. ზარალი იქნება დათვლილი და მაქსიმალურად ვეცდებით, ავანაზღაუროთ. გარდა ინფრასტრუქტურული პრობლემებისა, მთლიანად დატბორილია სავარგულები, რაც დიდი ზიანია მოსახლეობისთვის. ვეცდებით, რომ უმოკლეს დროში მოვაგვაროთ ყველა პრობლემა“,-აღნიშნა კახი კალაძემ.
