კახა კალაძე: ბოდიშს ვუხდი საზოგადოებას, რომ “გაზპრომთან” მოლაპარაკებები პირდაპირი ეთერით არ გადაიცემა

news
ავტ.: news იანვარი 12, 2016 15:40

კახა კალაძე: ბოდიშს ვუხდი საზოგადოებას, რომ “გაზპრომთან” მოლაპარაკებები პირდაპირი ეთერით არ გადაიცემა

ბოდიშს მოვუხდი საზოგადოებას იმის გამო, რომ “გაზპრომთან” გამართული შეხვედრების პირდაპირ ეთერში გადაცემა შეუძლებელია. ამის შესახებ ჟურნალისტებს ენერგეტიკის მინისტრმა, ვიცე-პრემიერმა კახა კალაძემ უწყებაში განუცხადა, სადაც ის მოადგილეებთან ერთად ექსპერტებს შეხვდა.

მისივე განმარტებით, ამის მიუხედავად შეხვედრები “დახურული არ არის”.

“შეხვედრები დახურული არ არის და მათთან დაკავშირებით განცხადებები გავრცელდა, თუმცა ბოდიშს მოვუხდი საზოგადოებას, რომ ამ შეხვედრების გადაცემა პირდაპირ ეთერში არ ხდება და “ლაივის” გაკეთება შეუძლებელია. ზოგადად, მიღებული პრაქტიკაა, როდესაც ასეთი მოლაპარაკებები მიმდინარეობს”, – განაცხადა კახა კალაძემ.

რაც შეეხება უშუალოდ შეხვედრას, როგორც მინისტრმა აღნიშნა, ექსპერტებს სურდათ გაეგოთ, რა სიტუაციაა ბაზარზე და რა მოლაპარაკებები მიმდინარეობს.

კალაძემ დღევანდელი შეხვედრა დადებითად შეაფასა და განმარტა, რომ იყო კითხვები, რომელსაც შესაბამისი პასუხები გაეცა.
ენერგეტიკის მინისტრმა მზადყოფნა გამოთქვა, მსგავსი ტიპის შეხვედრები გამართვა სამომავლოდაც გაგრძელდეს.

news
ავტ.: news იანვარი 12, 2016 15:40

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,276
ვიზიტორი
დღეში
Powered By Google Analytics