კახა კალაძე აცხადებს, რომ მისი მინისტრობისას „ნამახვანჰესის“ პროექტი რომ დაწყებულიყო, უკვე აშენებულიც იქნებოდა

„ქართული ოცნების“ გენერალური მდივნის, კახა კალაძის განცხადებით, მისი ენერგეტიკის მინისტრად ყოფნის პერიოდში ქვეყანაში ყველაზე მეტი ჰიდროელექტროსადგური აშენდა, რა კალაძის თქმით, ძალიან მნიშვნელოვანია.

„ჩემი პოზიციაა, რომ რაც შეიძლება, ბევრი ჰიდროელექტროსადგური უნდა აშენდეს ქვეყანაში. მაქსიმალურად რაციონალურად უნდა იქნას გამოყენებული ის რესურსები, რაც ქვეყანას აქვს, რათა მე, თქვენ, ჩვენი ქვეყნის მოქალაქეები დამოკიდებული არ ვიყოთ რუსეთიდან, აზერბაიჯანიდან, თურქეთიდან, სომხეთიდან შემოტანილ ელექტროენერგიაზე. ეს რა თქმა უნდა, გრძელვადიან პერსპექტივაში ცუდია იმ თვალსაზრისით, რომ პირდაპირ აისახება ჩვენს ჯიბეებზე, რადგან გვიწევს მაღალი ტარიფების გადახდა. ამიტომ, მნიშვნელოვანია, რომ ჩვენი რესურსები იყოს სწორად გამოყენებული. როდესაც ენერგეტიკის მინისტრი ვიყავი, ნამდვილად მეამაყება, რომ ჩემი მინისტრობის პერიოდში ყველაზე მეტი ჰიდროელექტროსადგური აშენდა, რაც ქვეყნისთვის ძალიან მაგარია“, – განაცხადა კახა კალაძემ.

ამასთან, ჟურნალისტის კითხვაზე, თქვენი მინისტრობის პერიოდში ხომ არ გადაიდგა პირველი ნაბიჯები „ნამახვანჰესის“ მშენებლობისკენ“, კალაძემ განაცხადა, რომ მსგავს შემთხვევაში, ჰესი უკვე აშენებულიც იქნებოდა.

„ჩემი მინისტრობის დროს არ ყოფილა, რომ ყოფილიყო, უკვე აშენებულიც იქნებოდა“, – განაცხადა კახა კალაძემ.

რეკლამის ბანერი
წინა სტატიაშიგერმანელი პოლიტიკოსები პროტასევიჩის დაკავების გამო, სანქციებს ითხოვენ
შემდეგი სტატიაგოლეთიანი ღარიბაშვილს – ვაი პატრიოტიზმის კონტექსტში ხელისუფლებას უნდა განვიხილავდეთ