“ადამიანმა გუშინ პრივატულ საუბარში რაღაცა თქვა, არმოსაწონი, გამოვიდა მერე დააფიქსირა თავის პოზიცია, თქვენ რანაირად ამოგეღებათ ხმა, თქვენი მებრძოლი და სულიერი მეგობარი გვარამია დედაზე აგინებდა საზოგადოებას, ხმა ამოგიღიათ?! დაგიგმიათ?! პირდაპირ ეთერში. ეს არის ორმაგი სტანდარტი რომ გაქვთ. სპეკულანტობთ ყველაფრით, ვითომ შეშფოთდნენ აქ. კაცმა თქვა კუთხეში თავისთვის რაღაც, ვის არ შეგიგინებიათ ოჯახში ან პრივატულად, გამწარებულზე, გამოვიდა და თქვა, რომ ხო არასწორად მოვიქეციო და მოიხადა ბოდიში, ახლა გამოხვედით და გინდათ რეკლამა დაიწეროთ”. – უთხრა “ოცნების” დეპუტატმა ირაკლი ზარქუამ დეპუტატებს ხატია დეკანოიძესა და სალომე სამადაშვილს, მათი კოლეგა ბექა ოდიშარიას ლანძღვაზე. ოდიშარიამ ქალ დეპუტატებზე გუშინ თქვა – “ეს არის მოუ**ვნელი ქალების სინდრომი”.
