კაბო-ვერდეს კუნძულ ფოგოზე ავტობუსი ხევში გადავარდა – დაიღუპა სულ მცირე, 25 ადამიანი, მათ შორის არასრულწლოვანები.
როგორც ადგილობრივი მედია წერს, შემთხვევა ღამით მოხდა. ავტობუსი გზიდან გადავიდა და ხევში დაახლოებით, 30 მეტრის სიმაღლიდან გადავარდა. დაიღუპა ავტობუსის მძღოლიც. რამდენიმე დაშავებული რეგიონულ საავადმყოფოში გადაიყვანეს. დაღუპულთა შორის არიან სკოლის მოსწავლეები და მოზარდები.
კაბო-ვერდეს განათლების წარმომადგენლების თქმით, ექსკურსია ადგილობრივი სასწავლო დაწესებულების მიერ არ იყო ორგანიზებული.
