სიტარი, რომელიც ეკუთვნოდა ლეგენდარული “ბითლზის” წევრს ჯორჯ ჰარისონს, აშშ-ი აუქციონზე 62 600 დოლარად გაიყიდა.
ეს ინდური მუსიკალური ინსტრუმენტი, რომელიც კალკუტაშია დამზადებული, ჰარისონმა 1965 წელს შეიძინა ლონდონში.
სააუქციონო სახლის ხელმძღვანელობა არ ასახელებს მყიდველის ვინაობას.
ჯორჯ ჰარისონი ინდური მუსიკალური ინსტრუმენტით დაინტერესდა ცნობილი კომპოზიციის Norwegian Wood -ის ჩაწერის პროცესში. სწორედ მაშინ შეიძინა მან სიტარი.
ინფორმაციას ავრცელებს ბრიტანული სამაუწყებლო კომპანია BBC