აშშ-ს ყოფილმა ვიცე-პრეზიდენტმა ჯო ბაიდენმა ხუთშაბათს განაცხადა, რომ 2020 წლის საპრეზიდენტო არჩევნებში მონაწილეობას მიიღებს. “ამ ერის ძირითადი ღირებულება… მსოფლიოში ჩვენი მდგომარეობა… ჩვენი დემოკრატია… ყველაფერი, რამაც ამერიკა ამერიკა გახადა – საფრთხის ქვეშაა. აი, რატომ ვაყენებ ჩემს კანდიდატურას ამერიკის შეერთებული შტატების პრეზიდენტად” – ბაიდენმა “ტვიტერში” დაწერა.
ჯო ბაიდენი – ერთ-ერთი ყველაზე ცნობილი პოლიტიკოსია. ის პრეზიდენტ ბარაკ ობამას დროს ორჯერ იყო ვიცე-პრეზიდენტი. მანამდე კი ოთხი ათეული წლის მანძილზე სენატორად მუშაობდა.
2020 წლის საპრეზიდენტო არჩევნებში მონაწილეობის შესახებ განაცხადი უკვე 18-მა დემოკრატმა გააკეთა. მათგან ჯო ბაიდენი ყველაზე გამოცდილი პოლიტიკოსია.
ეს ბაიდენის მესამე მცდელობა იქნება 1988 და 2008 წლების შემდეგ.