ჯემალ გამახარია: რუსეთი ცდილობს დე ფაქტო მოწყვეტილი აფხაზეთი დე იურედაც ჩამოაშოროს საქართველოს

აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია შეშფოთებულია ოკუპირებულ აფხაზეთში შექმნილი ვითარებით; მისი განცხადებით,  რუსეთი ცდილობს  დე ფაქტო მოწყვეტილი აფხაზეთი დე იურედაც ჩამოაშოროს საქართველოს.

„დღეს  აფხაზეთი მოწყვეტილია საქართველოს. რუსეთმა ის დაიმარტოვა. ახლა დადგა ჟამი იმისა, რომ ოკუპირებული ტერიტორია რუსეთის მიერ ანექსირებული იქნასადრე ის საქართველოს მეშვეობით ურთიერთობდა რუსეთთან და ამან გადაარჩინა. დღეს კი უშუალოდ, პირისპირ დარჩა რუსეთთან. აფხაზების ერთი ნაწილი ცდილობს, რუსის გული მოიგოს, მეორე ნაწილი ცდილობსსაქართველოსთან რაღაც ურთიერთობა დაამყაროს

ძალიან მწყინს ის ყველაფერი, რაც აფხაზეთში ხდება. დღეს აფხაზებს განსაცდელის ჟამი უდგათ. ეს არანაკლებ მძიმე პერიოდია, ვიდრე  მუჰაჯირობის პერიოდი იყო. მაშინ აფხაზებს ქართველები ექომაგებოდნენ, ეხმარებოდნენ. დღეს ისინი მარტონი არიან დარჩენილი დიდი ურჩხულის, რუსეთის იმპერიის წინაშე. ვფიქრობ, დღეს პირველად ქართველებსა და აფხაზებს ობიექტურად გაუჩნდათ საერთო ინტერესი, ესაა აფხაზეთის გადარჩენა რუსული ანექსიისგან. დღეს ყველა წინაპირობაა იმისათვის შექმნილი, რომ მართლაც დაიწყოს ის მრავალდონიანი მოლაპარაკებები, რომლის გამოც დე ფაქტო პრეზიდენტის ოპოზიცია მის წინააღმდეგ აქციებს აწყობს სოხუმში. დროა, აფხაზებმა და ქართველებმა დაიწყონ შეხვედრები, მოლაპარაკებები. მათ უნდა დავეხმაროთ იმაში, რომ აფხაზეთი რუსული ანექსიისგან გადარჩეს. საჭიროა არასამთავრობო საზოგადოების, ბიზნესსექტორის აქტიურობა. ისინი ძალიან მოწადინებული არიან, რომ ქართველებთან სავაჭროეკონომიკური ურთიერთობა ჰქონდეთ“, – აღნიშნულია აფხაზეთის უმაღლესი საბჭოს თავმჯდომარის ჯემალ გამახარიას განცხადებაში, რომელსაც უმაღლესი საბჭოს პრესსამსახური ავრცელებს.

სამწუხაროდ, აქ ჩვენც რთული ვითარება გვაქვს. ვერ ვიცლით მთავარი სახელმწიფოებრივი პრობლემისათვის ისე, როგორც ეს არის საჭირო. სამწუხროდ, იძულებული ვარ გავიხსენო 1991-1992 წლების შემოდგომა, შემდეგ დეკემბერიანვარი, როცა მოხდა სახელმწიფო გადატრიალება. სანამ ეს მოხდებოდა, ჩვენ ჩამოვდიოდით აფხაზეთიდან და აქ ყველას ვეუბნებოდით, რომ არსებობდა აფხაზეთის დაკარგვის საფრთხე და ვთხოვდით დამშვიდებას. თავად პრეზიდენტი გამსახურდიაც აფრთხილებდა ოპოზიციას, რომ თუ მოხდებოდა სახელმწიფო გადატრიალება და აირეოდა ქვეყანა, დავკარგავდით აფხაზეთს, ცხინვალის რეგიონს, მაგრამ ეს მაშინ არავინ შეისმინა. ჩვენი შიში, პრეზიდენტის გაფრთხილება, საუბედუროდ, ახდა, რეალობად იქცა.

 ცალსახად ვაცხადებ, რომ აფხაზეთის დე ფაქტო დაკარგვა 1992-193 წლებში არის პირდაპირი შედეგი იმ დაპირისპირებისა, რაც მაშინ ჩვენს საზოგადოებაში არსებობდა და რასაც რუსეთი ესწრაფვოდა. ჩვენ დღეს ვდგევართ ახალი, ძალიან დიდი საფრფთხის წინაშე, რომ დე ფაქტო დაკარგული აფხაზეთი შეიძლება დე იურედ დავკარგოთ და ეს იქნება შედეგი იმ შეურიგებელი დაპირისპირებისა, რომელიც დღეს არსებობს ქვეყანაში.

მე მოვუწოდებ ყველას, მათ შორის ოპოზიციას: წავიდნენ კომპრომისზე, გაიზიარონ ყველაზე ავტორიტეტული საერთაშორისო ორგანიზაციების, ჩვენი საერთაშორისო მეგობრების არა ერთი განცხადება, რომ არჩევნები მიუხედავად ხარვეზებისა, ჩატარდა კონკურენტუნარიან, თავისუფალ გარემოში და პატივისცემით მინდა  ვთხოვოშებრძანდნენ პარლამენტში; ყველამ ერთად გამოასწორონ არსებული  ხარვეზები, დაკავდნენ საქვეყნო პრობლემებითუპირველესად, რუსეთის ანექსიისაგან აფხაზეთის გადარჩენით, ასევე არჩევნებთან დაკავშირებული პრობლემებით!“- აცხადებს ჯემალ გამახარია.

ვირუსის ბლოკატორები
წინა სტატიაშიმეუფე სტეფანემ ქადაგებისას მედიის როლზე ისაუბრა
შემდეგი სტატიასალომე სამადაშვილი – კრისტიან დანიელსონთან შეხვედრა იყო პროდუქტიული, ცხადია, კიდევ დაგვჭირდება საუბრის გაგრძელება