აშშ-ს თავდაცვის მინისტრმა ჯეიმს მეტისმა განაცხადა, რომ ამერიკული არმია უნდა იყოს მზად, რომ ძალისმიერი მეთოდით გასცეს პასუხი ჩრდილოეთ კორეის პროვოკაციულ ქმედებებს.
როგორც გადმოსცემს სამაუწყებლო კომპანია “CBS News”, პენტაგონის მეთაურმა აღნიშნა, რომ აშშ უნდა შეეცადოს ჩრდილოეთ კორეის პრობლემის დიპლომატიური გზით გადაჭრას. ასევე მნიშვნელოვანია, მისი თქმით, ეკონომიკური სანქციების დაწესება. თუმცა, მეტისმა აღიარა, რომ არავინ იცის თუ რას მოიქმედებს ჩრდილოეთ კორეის რეჟიმი.
შეგახსენებთ, აშშ-ს პრეზიდენტმა დონალდ ტრამპმა გააკრიტიკა ამერიკის ყოფილი პრეზიდენტების პოლიტიკა ფხენიანის მიმართებით, რომელიც უშედეგო აღმოჩნდა.
