ჯაფარიძე – ევროპარლამენტარები მიიჩნევენ, რომ „ქართულმა ოცნებამ“ 19 აპრილის შეთანხმებით განსაზღვრული ვალდებულებები უნდა შეასრულოს

gulis eleqsiri

ანდრიუს კუბილიუსის განცხადება ცხადი და ნათელია. ეს მხოლოდ მისი მოსაზრება და პოზიცია არ არის, რადგან ევროპარლამენტარები მიიჩნევენ, რომ „ქართულმა ოცნებამ“ 19 აპრილის შეთანხმებით განსაზღვრული ვალდებულებები უნდა შეასრულოს, – ამის შესახებ ფრაქცია „ლელო – პარტნიორობა საქართველოსთვის“ თავმჯდომარემ, ბადრი ჯაფარიძემ განაცხადა.

მისი თქმით, „ქართული ოცნება“ ხელისუფლებიდან უნდა იყოს გასტუმრებული.

„ყველა ბერკეტი იქნება გამოყენებული და ყველა ვალდებულების შესრულება აუცილებლად მოუწევთ, მათ შორის იმ ვალდებულების შესრულება, რაც თავად უხეშად დაარღვიეს. რაც შეეხება 43%-თან დაკავშირებით განსაზღვრულ ვალდებულებას, „ქართულ ოცნებას“ არავინ ეკითხება, მას სურს, თუ არა რიგგარეშე საპარლამენტო არჩევნები, არჩევნების ჩატარება მაინც მოუწევთ. „ქართული ოცნების“ მხარდაჭერა არა თუ 43%-ზე დაბალია, არამედ ბევრად უფრო დაბლაა, ვიდრე 40%. მათი მხარდაჭერა თბილისში მაქსიმუმ 20%-25%-ს შეადგენს. ჩვენს თანამოქალაქეებს მიღებული აქვთ გადაწყვეტილება – „ქართული ოცნება“ ხელისუფლებიდან უნდა იყოს გასტუმრებული. „ქართული ოცნების“ ლიდერების განცხადებები იმის თაობაზე ადგილობრივ არჩევნებში 1% რომ აიღონ, პარლამენტის ვადამდელი არჩევნები მაინც არ ჩატარდება, ერთადერთ მიზანს ემსახურება – იქნებ ამომრჩეველი საარჩევნო ყუთთან არ მივიდეს და ადამიანების დემოტივაცია მოხდეს. „ქართული ოცნების“ ლიდერების ამ ხრიკებს არავინ არ უნდა წამოეგოს“, – განაცხადა ჯაფარიძემ.

წინა სტატიაშიხვიჩია – თუ ფარული ჩანაწერების გადაღებაში ვინმეს ბრალი მიუძღვის, მაშინ რატომ გადადგომა? უნდა დავიჭიროთ
შემდეგი სტატიაკალაძე ჩანაწერებზე – ბევრი ტყუილი, ბევრი მართალი შეიძლება იყოს, დაველოდოთ გამოძიებას