ჯანდაცვის მინისტრს ორი ახალი მოადგილე ჰყავს – სოფრომაძემ თანამდებობა დატოვა

ქეთი ფერაძე
ავტ.: ქეთი ფერაძე მაისი 1, 2018 11:16

ჯანდაცვის მინისტრს ორი ახალი მოადგილე ჰყავს – სოფრომაძემ თანამდებობა დატოვა

შრომის, ჯანმრთელობისა და სოციალური დაცვის მინისტრს, დავით სერგეენკოს ორი ახალი მოადგილე ჰყავს. მინისტრის პირველი მოადგილის თანამდებობას პროფესორი ზაზა ბოხუა დაიკავებს, რომელიც ამ დრომდე თბილისის სახელმწიფო სამედიცინო უნივერსიტეტის დიპლომისშემდგომი სამედიცინო განათლებისა და უწყვეტი პროფესიული განვითარების ინსტიტუტის დირექტორი იყო.

ჯანდაცვის მინისტრის კიდევ ერთი ახალი მოადგილე – მიხეილ დუნდუა იქნება. იგი ამავდროულად სოციალური მომსახურების სააგენტოს უხელმძღვანელებს. მიხეილ დუნდუა დღემდე თსუ ანალიზისა და პროგნოზირების ცენტრის აღმასრულებელი დირექტორი იყო. მან ამ პოზიციაზე ზაზა სოფრომაძე შეცვალა.

ჯანდაცვის სამინისტროს ცნობით, ზაზა სოფრომაძემ თანამდებობა პირადი განცხადების საფუძველზე დატოვა.

ახალი მოადგილეები, ზაზა ბოხუა და მიხეილ დუნდუა უფლებამოსილების განხორციელებას დღეიდან შეუდგნენ.

ქეთი ფერაძე
ავტ.: ქეთი ფერაძე მაისი 1, 2018 11:16

Google სტატისტიკა


5,063
ვიზიტორი
დღეში
Powered By Google Analytics