უკრაინელ მომღერალ ჯამალას ევროვიზიის კონკურსზე გამარჯვება მიულოცა თურქეთის პრეზიდენტმა. საინფორმაციო სააგენტო Anadolu-ს ცნობით, რეჯეფ თაიფ ერდოღანი ტელეფონით დაუკავშირდა მომღერალს და მორიგი გამარჯვებები უსურვა მას. თავის მხრივ ჯამალამ არ დამალა, რომ ის გულაჩუყებულია თურქეთის ლიდერის ასეთი ყურადღებით.
ადრე „ევროვიზია-2016“-ის გამარჯვებულს კონკურსზე წარმატება პირადად მიულოცა უკრაინის პრეზიდენტმა პეტრე პოროშენკომ.