უკრაინაში აცხადებენ, რომ იზიუმში განთავსებულ რუსეთის მეორე არმიის შტაბში, სადაც გავრცელებული ინფორმაციით რუსეთის გენშტაბის უფროსი ვალერი გერასიმოვი იმყოფება, აფეთქება დადასტურდა.
აღნიშნულის შესახებ სოციალურ ქსელში უკრაინის შინაგან საქმეთა მინისტრის მრჩეველი ანტონ გერაშენკო წერს.
„ერთი საათის წინ მივიღეთ დადასტურება იზიუმში რუსეთის მე-2 არმიის შტაბის რაიონში მომხდარი აფეთქების შესახებ. იმ ადგილას, სადაც მდებარეობს რუსეთის ფედერაციის გენშტაბის უფროსის გერასიმოვის შტაბი, რომელიც ჩამოვიდა სლავიანსკზე თავდასხმის ხელმძღვანელობისთვის. უმაღლეს ოფიცერთა პერსონალს შორის დადასტურებულია 200“, – წერს გერაშენკო „ტვიტერში“.
იზიუმში სამეთაურო პუნქტების განადგურების შესახებ განაცხადა გასულ დღეს, უკრაინის პრეზიდენტის ოფისის ხელმძღვანელის მრჩეველმა, ალექსეი არესტოვიჩმაც. მისი თქმით, განხორციელდა ორი დარტყმა, რომლის შედეგადაც 200-300 სამხედრო პირია დაღუპული.
