“ივნისში დაგეგმილ სამიტზე ნატო ფინეთსა და შვედეთს ალიანსში ვერ მიიღებს”,-ამის შესახებ პოლონეთის საგარეო საქმეთა მინისტრის მოადგილემ პაველ იაბლონსკიმ განაცხადა.
“როცა საქმე ეხება ნატოში ახალი წევრების მიღებას, ეს ბევრად გრძელვადიანი პროცესია. ეს არც ისე სწრაფი და არც ისე ადვილია. ამას სულ მცირე რამდენიმე თვე დასჭირდება”, – თქვა მან.
ამასთან, პოლონეთის საგარეო საქმეთა სამინისტროს წარმომადგენელი თვლის, რომ თურქეთი ფინეთისა და შვედეთის წევრობის დაბლოკვას ვერ შეძლებს. მისი აზრით, ანკარა წამოაყენებს პირობებს, ამიტომ ნატო აგრძელებს მოლაპარაკებებს.