პარტია „საქართველოსთვის“ ლიდერი გიორგი გახარია „ტვიტერზე“ „ქართული ოცნების“ დამფუძნებლის ბიძინა ივანიშვილის განცხადებას ეხმაურება.
მისი თქმით, ივანიშვილის წერილი იმის დასტურია, რომ ანტიდასავლური კამპანიის უკან ის დგას.
„ივანიშვილის წერილი კიდევ ერთი დადასტურებაა, რომ გამძვინვარებული ანტიდასავლური პროპაგანდის უკან ის დგას, და ასევე ის ვაჭრობს საქართველოს ევროპული მომავლით საკუთარი ინტერესებისთვის. ეს აჩვენებს, როგორ შეიძლება დაეცეს ადამიანი, ანადგურებს მითს ქველმოქმედის შესახებ, იზოლირებულად და მარტოდ ტოვებს საქართველოს საოკუპაციო ძალებთან“, – წერს გახარია „ტვიტერზე“.