„ივანიშვილის რეჟიმის პროპაგანდისთვის მნიშვნელოვანია ნებისმიერი საწინააღმდეგო აზრის დემონიზება, თუნდაც ქვეყნის მომავლის ხარჯზე.“ – გიგა ბოკერია

„მათთვის ჰომ ფაქტებს მნიშვნელობა არ აქვს. ევროპის სახალხო პარტია პირიქით გამოირჩეოდა საქართველოს სუვერენიტეტის, ტერიტორიული მთლიანობის, ევროატლანტიკური ინტეგრაციის, მათ შორის ასოცირების ხელშეკრულების მხარდაჭერით.“ – ასე ეხმაურება „ევროპული საქართველოს“ თავმჯდომარე, გიგა ბოკერია თეა წულუკიანის განცხადებას.

„არაფერი მოულოდნელი არ არის ივანიშვილის რეჟიმის ამ წარმომადგენლისგან და ზოგადად ამ რეჟიმისგან ეს ბოდვა. ივანიშვილის და მისი გარემოცვის ამოცანა ძალაუფლების შენარჩუნებაა. ამისთვის ყველა მეთოდზე წავლენ. ამ შემთხვევაში ქვეყნის შიგნით ოპონენტების დემონიზება, უკრაინის მთავრობის, ნებისმიერი ევროპარლამენტარის, თუნდაც ისეთი მსხვილი პოლიტიკური გაერთიანების, როგორიც ევროპის სახალხო პარტიაა, მოსულა მათთვის. სწორედ ამას ვხედავთ ჩვენ, მათთვის ჰომ ფაქტებს მნიშვნელობა არ აქვს. ევროპის სახალხო პარტია პირიქით გამოირჩეოდა საქართველოს სუვერენიტეტის, ტერიტორიული მთლიანობის, ევროატლანტიკური ინტეგრაციის, მათ შორის ასოცირების ხელშეკრულების მხარდაჭერით. სხვა პოლიტიკურ ჯგუფებთან შედარებით ყველაზე აქტიური იყო, ეს იცის ყველამ, ვისაც აინტერესებს, თუმცა ივანიშვილის რეჟიმის პროპაგანდისთვის ეს ყველაფერი არის სულერთი, მთავარია მათი უტიფარი ხაზი, რომ ყველა სცენარის პირობებში მათ ნებისმიერი აზრის დემონიზება შეძლონ, რომელიც მათთვის არახელსაყრელია ქვეყნის შიგნით, თუნდაც ეს ხდებოდეს ქვეყნის მომავლის ხარჯზე.“ – გიგა ბოკერია.

წინა სტატიაშისაბავშვო მუსიკალური/საბალეტო სპექტაკლების/წარმოდგენების ხელშეწყობის მიზნით კულტურის სამინისტრომ კონკურსი გამოაცხადა
შემდეგი სტატიაუკრაინაში კადიროვის კიდევ ერთი მოკავშირე, ვიცე-პოლკოვნიკი ზაურ დიმაევი მოკლეს