პრემიერ-მინისტრობის კანდიდატს და მთავრობის ახალ შემადგენლობას შესაძლოა პარლამენტში ერთიანი ნაციონალური მოძრაობისა და თავისუფალი დემოკრატების წარმომადგენლებმა მხარი არ დაუჭირონ.
ნაციონალურ მოძრაობაში მიაჩნიათ, რომ რეალურად ცვლილებები არ მომხდარა და ქვეყნის მართვას კვლავ ბიძინა ივანიშვილი აგრძელებს
“არანაირი სამთავრობო ცვლილებები არ მომხდარა. ბიძინა ივანიშვილი მმართავდა და მმართვას მთავრობას. თავის შუშის სასახლიდან თავის მარიონეტებს აქეთ იქით ათამაშებს ხოლმე. ეს ჩვენი ქვეყნის პრობლემას ვერ წყვეტს. ხელისუფლება უნდა შეიცვალოს არჩევნების გზით და უნდა მოხდეს ივანიშვილის ჩამოშორება,” – აცხადებს გიგა ბოკერია.
თავისუფალ დემოკრატებში კი ამბობენ, რომ ძველი მთავრობის შემადგენლობა და ძველი სამთავრობო გეგმა ქვეყანას სიკეთეს ვერ მოუტანს.
“გამოდის ამ ხელისუფლებას და ამ მთავრობას ხელს უშლიდა ირაკლი ღარიბაშვილი, რომ დაეძლიათ პრობლემები ეს კიდე რეალობას არ შეესაბამება. მთავრობა იგივე შემადგენლობით და იგივე პროგრამით კარგის მომტანი სიკეთის მომტანი ვერ იქნება ქვეყნისთვის,” – აცხადებს დეპუტატი ირაკლი ჩიქოვანი.
