მოსამართლეთა საკვალიფიკაციო გამოცდების ტესტების წინასწარ გამჟღავნებისა და ასევე სხვა საკითხებზე იუსტიციის უმაღლესი საბჭო მოკვლევას აწარმოებს.. ასე გამოეხმაურა იუსტიციის უმაღლესი საბჭოს მდივანი ლევან მურუსიძე თბილისის საქალაქო სასამართლოს თავმჯდომარის, მამუკა ახვლედიანის განცხადებას. ახვლედიანის ინფორმაციით, მოსამართლეობის საკვალიფიკაციო გამოცდაზე ტესტები წინასწარ იყო გამჟღავნებული. როგორც ლევან მურუსიძემ განაცხადა მოკვლევას ის პირადად აწარმოებს 2014 წლის ნოემბრიდან, თუმცა განცხადება ამის შესახებ იმიტომ არ გააკეთა, რომ ჯერ საკმარისი მტკიცებულებები არ აქვს. მურუსიძე იუსტიციის საბჭოში არც კორუფციის ფაქტების შესაძლო არსებობას გამორიცხავს.
“დღევანდელ ე.წ. სკანდალურ განცხადებას რაც შეეხება, ამ თემაზე მოკვლევას საბჭო აწარმოებდა, მე თავად ვარ საქმის კურსში, უბრალოდ არ მინდოდა ეს ყველაფერი დროზე ადრე გამომჟღავნებულიყო. მაგრამ არის კიდევ სხვა თემები, გარდა გამოცდის თემებისა, რომელიც არის ძალიან საინტერესო, რა ხდება რეალურად სასამართლო კორპუსში, რაზეც მე ვმუშაობ. უბრალოდ არ მინდოდა ეს დროზე ადრე მომხდარიყო. მოკვლევის შედეგებს უნდა დაველოდოთ“ – განაცხადა ლევან მურურსიძემ
