თბილისის საქალაქო სასამართლოს თავმჯდომარის, მამუკა ახვლედიანის განცხადებას მოსამართლეების საგამოცდო ტესტების წინასწარ გამჟღავნებასთან დაკავშირებით, იუსტიციის მინისტრი ეხმიანება და ინფორმაციას “საგანგაშოს” უწოდებს. როგორც წულუკიანი აცხადებს, ის გაეცნობა მამუკა ახვლედიანის განცხადებას და რეაგირება აუცილებლად მოხდება- ,,ჯერ გავეცნობი მისი განცხადების ტექსტს და თუ ამგვარი საგანგაშო რამ თქვა, რეაგირება აუცილებლად გვექნება”, – განაცხადა წულუკიანმა.
მამუკა ახვლედიანის ინფორმაციით, იუსტიციის უმაღლესი საბჭოდან გადიოდა ტესტები, ის ტესტები, რომლებიც გამოიყენებოდა მოსამართლეთა გამოცდებზე.