საქართველოს ექს–პრეზიდენტი, “ახალ ძალთა მოძრაობის” ლიდერი მიხეილ სააკაშვილი უშიშროების სამსახურის იზოლატორიდან კიევის პეჩერის სასამართლოში მიჰყავთ. ამის შესახებ “ფეისბუკის” პირად გვერდზე წერს სახალხო დეპუტატი იური დერევიანკო. “7:30 ადვოკატების გარეშე მას გადასცეს შუამდგომლობა. თავად ადვოკატს შუამდგომლობა გადასცეს 8:30. ეს კანონმდებლობის უხეში დარღვევაა”,– წერს იგი.
იური დერევიანკომ მიხეილ სააკაშვილის მხარდამჭერებს მოუწოდა მივიდნენ პეჩერის რაიონის სასამართლოს შენობასთან. “ყველანი ვიკრიბებით იქ…სასამართლო დაიწყება დაახლოებით 11:30”,– მიუთითებს სახალხო დეპუტატი.
შეგახსენებთ, მიხეილ სააკაშვილი დააკავეს 8 დეკემბერს და მოათავსეს უშიშროების სამსახურის დროებითი დაკავების იზოლატორში.
