გაიმართა 1996 წელს საზოგადოება “საქართველო-იტალიის” ინიციატივით თბილისში დაარსებული იტალიური სკოლა “ცისკრის” ორენოვანი სექტორის დამამთავრებელი დიპლომების გადაცემის ცერემონია. იტალიის ელჩმა მასიმილიანო დ’ანტუონომ იტალიის საელჩოში უმასპინძლა სკოლა “ცისკრის” შვიდ მოსწავლეს, რომლებმაც იტალიური სკოლის დამამთავრებელი გამოცდა წარმატებით ჩააბარეს, სკოლის დირექტორ მაია ლაგვილავასა და სკოლის ლიტერატურის მასწავლებელს ლილიანა ნობილეს.
საერთაშორისო სექტორის შვიდი კურსდამთავრებული სწავლას იტალიის საუკეთესო უნივერსიტეტებში გააგრძელებს – იტალიის განათლების სამინისტროს მიერ აღიარებული დიპლომი მათ შესაძლებლობას აძლევს, ჩაირიცხონ იტალიურ სასწავლებლებში სწავლისთვის აუცილებელი იტალიური ენის გამოცდის ჩაბარების გარეშე.
ეს მნიშვნელოვანი მოვლენაა იტალიაში განათლების მიღების მსურველთათვის – იტალიის განათლების სამინისტროს მიერ აღიარებული დიპლომი შესაძლებლობას აძლევს სკოლა “ცისკრის” მოსწავლეებს, ჩაირიცხონ იტალიის უმაღლეს სასწავლებლებში იტალიური ენის სავალდებულო გამოცდის ჩაბარების გარეშე.
ელჩმა დ’ანტუონომ აღნიშნა, რომ ეს უნიკალური შესაძლებლობა სკოლა “ცისკრის” ხანგრძლივი მუშაობისა და იტალიის საელჩოს მხარდაჭერის შედეგია და წარმატება უსურვა სკოლის მოსწავლეებს, რომლებიც სწავლას იტალიის საუკეთესო უნივერსიტეტებში გააგრძელებენ.
