რომში იტალიის საგარეო საქმეთა სამინისტრომ, ქაიროში იტალიელი სტუდენტის დაღუპვის გამო ეგვიპტის ელჩი გამოიძახა.
28 წლის ჯულიო რეჯენი, კემბრიჯის უნივერსიტეტის სტუდენტი, 25 იანვარს საღამოს დაიკარგა მას შემდეგ, რაც მან გიზეში საკუთარი სახლი დატოვა და მეგობართან გაემგზავრა სტუმრად.
ეგვიპტური გაზეთის “ალ-აჰრამის” ცნობით, რეჯენის სხეულზე ძალადობის კვალი აღმოაჩინეს.
“ასოშეითედ პრესი” წერს, რომ სტუდენტის სხეული, რომელიც ტრასაზე, მანქანაში იქნა ნაპოვნი, სანახევროდ დამწვარი იყო.
ამავე დროს, გიზას პოლიცია იტყობინება, რომ რეჯენი ავტოსაგზაო შემთხვევას ემსხვერპლა.
იტალიის საგარეო უწყებამ ეგვიპტის მთვრობას მოუწოდა, შემთხვევის ირგვლივ ობიექტური გამოძიება წარიმართოს და დადგინდეს სტუდენტის გარდაცვალების მიზეზები.
ჯულიო რეჯენი ბრიტანეთში კემბრიჯის უნივერსიტეტის სტუდენტი იყო და ქაიროში ამერიკის უნივერსიტეტში გადიოდა სტაჟირებას.