იტალიის პრემიერ-მინისტრი მატეო რენცი თანამდებობას ტოვებს. ამის შესახებ განცხადება მან გვიან ღამით გააკეთა.
იტალიაში გუშინ, საკონსტიტუციო რეფორმის შესახებ რეფერენდუმი ჩატარდა, რომელიც ქვეყნის პრემიერ-მინისტრის უფლებამოსილების გაზრდას ითვალისწინებდა.
რეფერენდუმზე იტალიელებმა ხმათა 59.7%-ით აღნიშნული რეფორმის გატარებაზე უარი განაცხადეს. რეფორმის გატარებას ამომრჩეველთა 40.2%-მა დაუჭირა მხარი.
„ვერ შევძელი გამარჯვების მოპოვება. ამ მთავრობის გამოცდილება მთავრდება აქ. სინდისის ქენჯნის გარეშე მივდივართ. დღის მეორე ნახევარში შევკრიბავ მინისტრებს, შემდეგ ვესტუმრები პრეზიდენტს და გადადგომის შესახებ განცხადებას გადავცემ“, – განაცხადა მატეო რენციმ.
რეფერენდუმის წინა პერიოდში მატეო რენციმ განაცხადა, რომ დამარცხების შემთხვევაში, იტალიის პრემიერ-მინისტრის თანამდებობას დატოვებდა.