იტალიაში, ბარში მღვდელმა თავისი მრევლი მაფიოზის სახელზე ჩასატარებელ მესაზე დაპატიჟა – მაფიოზი კანადის მაფიის მეთაური როკო სოლესიტოა, რომელიც მაისში მოკლეს – ადგილობრივი მედია ავრცელებს.
“მამა მიკელე ლოდი, რომელიც კანადაში მცხოვრებ ოჯახებთან სულიერ კავშირშია, ჩვენი გაერთიანების მორწმუნეებს მათი თანამოძმის ხსოვნის სახელზე გასამართ მესაზე ეპატიჟება” – მღვდელის მიერ გავრცელებულ განცხადებაში იყო ნათქვამი. როცა განცხადებამ სკანდალი გამოიწვია, ფოლიმ განმარტა, რომ გარდაცვლილი მაფიოზის ქებას კი არა, მის მოხსენიებას აპირებდა.
მიუხედავად ამისა, ბარი-ბიტონტოს არქიეპისკოპოსმა ფრანჩესკო კაკუჩიმ მესის ჩატარება აკრძალა და მომხდარს სკანდალი უწოდა, მისი თქმით, მღვდელი, შესაძლებელია, დისციპლინარულ პასუხისმგებლობაში მიეცეს.