ბერგამოში (იტალია) სატვირთო თვითმფრინავი, დაჯდომის შემდეგ, სამანქანო გზაზე გავიდა -წერს Daily Mail-ი.
გამოცემის თანახმად, “ბოინგი”, რომელიც კომპანია DHL-ს ეკუთვნის, პარიზიდან, ადგილობრივი დროით 04.00 საათზე ჩაფრინდა. დაჯდომისას, თვთმფრინავი დასაფრენი ზოლიდან გადავიდა და სამანქანო გზაზე გავიდა.
თვითმფრინავის ბორტზე ეკიპაჟის სამი წევრი იმყოფებოდა. ისინი არ დაშავებულან. ინციდენტმა აეროპორტში ყველა ფრენის სამი საათით გადადება გამოიწვია.
მიმდინარეობს ინცდენტის გამოძიება.