იტალიაში გარდაცვლილი საქართველოს მოქალაქის 26 წლის კარლო გოდოლაძის საქართველოში გადმოსვენების თარიღი მას შემდეგ გაირკვევა, რაც იტალიური მხარე სამართლებრივ პროცედურებს დაასრულებს.
იტალიაში საქართველოს ელჩის კახა სიხარულიძის განცხადებით, გოდოლაძის გადმოსვენების ხარჯებს საქართველოს სახელმწიფო დაფარავს.
ყველა სახის პროცედურების მოგვარებაში კი იტალიაში საქართველოს საელჩო აქტიურად იქნება ჩართული.
26 წლის ახალგაზრდა იტალიის ქალაქ პადუაში გარდაცვლილი იპოვეს. მას ბოლო 10 დღის განმავლობაში ეძებდნან. არსებული ინფორმაციით, გარდაცვლილი ველოსიპედისტებმა იპოვეს, ის მდინარემ გამორიყა.
