იტალიაში დააკავეს 35 წლის ქართველი კაცი, რომელმაც სახლიდან 30 000 ევროზე მეტი ღირებულების ძვირფასი ნივთები მოიპარა.
როგორც იტალიური მედია იუწყება, შემთხვევა 4 ივნისს მოხდა.
გამოცემის ცნობით, კაცმა დანაშაული ავსტრიაში ჩაიდინა, თუმცა ის ძებნაში იმყოფებოდა და ევროპული ორდერის საფუძველზე კარაბინერებმა ის იტალიაში დააკავეს. იტალიური მედიის ცნობით, ქართველი კაცი თანამზრახველთან ერთად ავსტრიაში ერთ-ერთ ბინაში შევიდა, სადაც ნაღდი ფული, ოქროს მონეტები და სხვადასხვა ძვირადღირებული ნივთები მოიპარა, ზარალის სავარაუდო ოდენობა კი 30 ათას ევროზე მეტია. ევროპაში მასზე ძებნა თვეების განმავლობაში მიმდინარეობდა. იტალიურმა მხარემ ის ავსტრიას უკვე გადასცა, სადაც გამოძიება მიმდინარეობს.
