ექსკლუზივი: როგორც სააგენტო “თაიმერს” კონფიდენციალურმა წყარომ განუცხადა, ისრაელში მოქმედი ტელეარხ GTV-ის მეპატრონე (არხიდან ქართული ტელეკომპანია “რუსთავი 2”-ის ტრანსლირება ხდებოდა), წინასაარჩევნოდ მოისყიდეს.
“ისრაელში მაუწყებელმა ქართულმა ტელეარხმა GTV-იმ, საიდანაც ხდებოდა “რუსთავი 2”-ის საინფორმაციო გამოშვებების რეტრანსლირება, წინასაარჩევნოდ იგი გათიშა და მის ნაცვლად ბადეში “იმედის” “ქრონიკა” ჩასვა” – ამბობს წყარო “თაიმერთან” საუბარში. მისი თქმით, ისრაელში მცხოვრები ქართველები ფიქრობენ, რომ GTV-ის მეპატრონე მორის ჯანაშვილი დაინტერესებულმა პირებმა წინასაარჩევნოდ საქართველოდან მოისყიდეს. სავარაუდოდ, ეს არის ბიძინა ივანიშვილი, რომელსაც მეგობრული ურთიერთობა აკავშირებს მორის ჯანაშვილთან.
