ისრაელმა ირანში ნავთობქიმიურ ქარხანაზე საჰაერო თავდასხმა განახორციელა, რის შედეგადაც ობიექტის ნაწილი დაზიანდა, – CNN-ის ინფორმაციით, ამის შესახებ საინფორმაციო სააგენტო Fars-ი იუწყება.
სააგენტოს ცნობით, სამხრეთ-დასავლეთ ქალაქ ბანდარ-ე მაჰშარში მდებარე Karun Petrochemical Company-ის ისრაელის მიერ ნასროლი ჭურვები მოხვდა.
ირანის ისლამური რევოლუციის გუშაგთა კორპუსის ცნობით, ირანის ქალაქებში – თეირანში, თავრიზსა და ისპაჰანში აფეთქებების ხმები ისმოდა.
ირანის ისლამური რევოლუციის გუშაგთა კორპუსის განცხადებით, თავდასხმის დროს ისრაელმა ბალისტიკური რაკეტები გამოიყენეს.
შეგახსენებთ, მანამდე ცნობილი გახდა, რომ ირანმა ისრაელს ბალისტიკური რაკეტებით შეუტია.
