ისრაელის თავდაცვის მინისტრი, ისრაელ კაცი აცხადებს, რომ ირანთან კონფლიქტი „გადამწყვეტ ფაზაში“ შედის. მან ეს კომენტარი დღეს დილით, არსებული ვითარების შეფასებისას გააკეთა.
კაცმა დონალდ ტრამპსაც მიულოცა წუხელ ირანის ნავთობის მოპოვების მთავარ ცენტრზე — კუნძულ ხარგზე მიყენებული „მძიმე დარტყმა“ და მას „ჰორმუზის სრუტის ნაღმების ველების საპასუხო, მართებული რეაქცია“ უწოდა.
ამ კვირის დასაწყისში აშშ-მა განაცხადა, რომ იერიში მიიტანა იმ გემებზე, რომლებიც ჰორმუზის სრუტესთან ნაღმებს განათავსებდნენ. ირანი უარყოფს ინფორმაციას ნაოსნობის არხში ასაფეთქებელი ნივთიერებების განთავსების შესახებ.
დღევანდელ კომენტარში ისრაელ კაცმა ასევე დაამატა, რომ ისრაელის სამხედრო-საჰაერო ძალები „აგრძელებენ ძლიერ იერიშებს თეირანსა და მთელი ირანის მასშტაბით“, თუმცა აღნიშნა, რომ ამ კონფლიქტის დასრულება მხოლოდ ირანელ ხალხს შეუძლია — არსებული რეჟიმის დამხობის გზით.
