ისრაელის ჩრდილოეთ რაიონებში განგაშის სირენების ჩართვის შემდეგ, ქვეყნის თავდაცვის ძალებმა (IDF) ლიბანის ტერიტორიიდან გაშვებული ორი „საეჭვო საჰაერო სამიზნე“ გაანადგურეს. ინფორმაციას ისრაელის არმიის პრესსამსახური ავრცელებს.
უწყების ცნობით, საჰაერო თავდაცვის სისტემებმა სამიზნეების წარმატებით ინტერცეპტაცია (გზაგადაჭრა) შეძლეს.
ამასთანავე, ისრაელის თავდაცვის ძალების განცხადებით, რამდენიმე ჭურვის ჩამოვარდნა დაფიქსირდა უშუალოდ ლიბანის საზღვართან, ისრაელის ტერიტორიაზე. სამხედრო უწყებაში აცხადებენ, რომ მომხდარის დეტალების შესწავლა უკვე დაწყებულია, ხოლო განგაშის სირენები დადგენილი პროტოკოლის შესაბამისად ამოქმედდა.
