ჯერ ნაადრევია თქმა, როგორ განვითარდება მოვლენები, იმის გათვალისწინებით, რომ საბრძოლო მოქმედებები შესაძლოა, განახლდეს, ჩვენ მზად ვართ ნებისმიერი სცენარისთვის,- განაცხადა ისრაელის პრემიერ-მინისტრმა, ბენიამინ ნეთანიაჰუმ.
„ჯერ კიდევ ნაადრევია იმის თქმა, როგორ დასრულდება ან როგორ განვითარდება მოვლენები. იმის გათვალისწინებით, რომ საბრძოლო მოქმედებები შესაძლოა, განახლდეს, ჩვენ მზად ვართ ნებისმიერი სცენარისთვის“, – აღნიშნა ნეთანიაჰუმ.
მისივე თქმით, ისრაელი „ჰეზბოლას“ მთავარი დასაყრდენის“ განადგურებასთან ახლოსაა.
ამასთან, პრემიერ-მინისტრმა განმარტა, რომ თავდაცვის ძალებს სამხრეთ ლიბანში უსაფრთხოების ზონის გაძლიერების ბრძანება მისცა.
ბენიამინ ნეთანიაჰუმ ვიდეომიმართვაში ასევე აღნიშნა, რომ ისრაელისა და შეერთებული შტატების მიზნები ომთან დაკავშირებით კვლავ თანხვედრაშია.
