გასული დღის განმავლობაში ირანთან კონფლიქტის შედეგად საავადმყოფოებში 148 დაშავებული გადაიყვანეს,– აცხადებენ ისრაელის ჯანდაცვის სამინისტროში.
ამ მონაცემებით, საბრძოლო მოქმედებების შედეგად ჰოსპიტალიზაციის შემთხვევებმა ქვეყანაში 6 500-ს გადააჭარბა.
ბოლო დღის განმავლობაში საავადმყოფოებში მკურნალობისთვის მყოფთაგან ოთხის მდგომარეობა საშუალო სიმძიმისაა, ხოლო 108-ის – დამაკმაყოფილებელი. ხუთი ადამიანი სამედიცინო შემოწმებას გადის, ხოლო 31 ადამიანს შფოთვის გამო მკურნალობა ჩაუტარდა.
ისრაელის ჯანდაცვის სამინისტრო აცხადებს, რომ ირანთან ომის დაწყებიდან საავადმყოფოებში 6 594 ადამიანი მოათავსეს, რომელთაგან 124 ამჟამად საავადმყოფოშია. სამინისტრო არ იძლევა დაზიანებების მიზეზების დეტალურ აღწერას. დაშავებულთა რიცხვში შედიან ჯარისკაცები და მშვიდობიანი მოქალაქეები.
