ისრაელი გაანადგურებს რუსულ საზენიტო-სარაკეტო კომპლექს С-300 , თუკი სირია მას ქვეყნის სამხედრო ძალების წინააღმდეგ გამოიყენებს – ისრაელის თავდაცვის მინისტრმა ავიგდორ ლიბერმანმა განაცხადა – Ynetnews-ი წერს. “ჩვენთვის მნიშვნელოვანია ის, რომ შეიარაღება, რომელსაც რუსეთი სირიას გადასცემს, ჩვენს წინააღმდეგ არ იქნას გამოყენებული” – განაცხადა მინისტრმა. ლიბერმანმა აღნიშნა, რომ წინააღმდეგ შემთხვევაში ისრაელი მოქმედებას უპასუხოდ არ დატოვებს. “თუკი ჩვენს თვითმფრიონავებს ვინმე ესვრის, ჩვენ მას გავანადგურებთ” – თქვა თავდაცვის მინისტრმა.
20 აპრილს რუსეთის საგარეო საქმეთა მინსიტრმა სერგეი ლავროვმა განაცხადა, რომ აშშ-ს, ბრიტანეთისა და საფრანგეთის მიერ სირიაში 14 აპრილს განხორციელებული დარტყმების შემდეგ მოსკოვს აღარ აქვს მორალური პასუხისმგებლობა, რომელიც მას სირიაში ნებისმიერი იარაღის შეტანას შეუზღუდავს.