ისრაელის თავდაცვის ძალები (IDF) აცხადებს, რომ ლიტანის მდინარეზე კიდევ ერთ ხიდს დაბომბავს, რათა „ჰეზბოლას“ სამხრეთ ლიბანში მებრძოლებისა და იარაღის გადასროლის საშუალება არ მისცეს.
სამხედრო უწყების ცნობით, იერიში განხორციელდება ალ-დალაფას ხიდზე, რომელიც მდინარის აღმოსავლეთ ნაწილში მდებარეობს.
ისრაელმა მანამდე უკვე გაავრცელა გაფრთხილება, რომ ლიტანის მდინარეზე არსებულ ყველა გადასასვლელს დაბომბავდა, რადგან მათ „ჰეზბოლა“ თავისი მიზნებისთვის იყენებს.
