Reuters-ის ინფორმაციით, ისლანდიის პარლამენტმა ევროკავშირში გაწევრიანების მოლაპარაკებების დაწყებასთან დაკავშირებით რეფერენდუმის აგვისტოში ჩატარებას მხარი დაუჭირა.
ისლანდიის პარლამენტის მიერ მხარდაჭერილი გეგმის თანახმად, ევროკავშირში გაწევრიანების შესახებ მოლაპარაკებების დაწყების მიზნით რეფერენდუმი 29 აგვისტოს გაიმართება.
ისლანდიის 63-ადგილიან პარლამენტში რეფერენდუმის ჩატარებას მხარი 34-მა დეპუტატმა დაუჭირა, 8-მ ხმა მის წინააღმდეგ მისცა, 14-მა თავი შეიკავა, ხოლო 7-მა კენჭისყრაში მონაწილეობა არ მიიღო.
იმ შემთხვევაში, თუ ისლანდიის მოსახლეობა ევროკავშირთან 2013 წელს შეჩერებული მოლაპარაკებების განახლებას მხარს დაუჭერს, მაშინ ევროკავშირში გაწევრიანების საბოლოო პირობების დასამტკიცებლად ქვეყანაში მეორე რეფერენდუმი ჩატარდება.
