მოკლული 19 წლის თემირლან მაჩალიკაშვილის მამა მალხაზ მაჩალიკაშვილი სახელმწიფო უსაფრთხოების სამსახურში გამოკითხვაზეა დაბარებული. მაჩალიკაშვილი სუს-ში მისვლას არ აპირებს. იგი სუს-ში დღეს 11:00 საათზე უნდა გამოცხადდეს.
მალხაზ მაჩალიკაშვილი აცხადებს, რომ რამადანის მნიშვნელობიდან გამომდინარე მისმა ადვოკატებმა სახელმწიფო უსაფრთხოების სამსახურს მიმართეს და გამოკითხვის გადადება რამადანის დასრულებამდე ითხოვეს, თუმცა სუს-ის გამომძიებლებისგან უარი მიიღო.
„რომც არ ყოფილიყო რამადანი, მე მაინც არ წავიდოდი. იმიტომ იქ არ არის ჩემი გამოსაკითხი, მე რომ გამომკითხონ რაღაცა. ოთხჯერ 6-7 საათი გამომკითხეს, მეხუთედ 10 საათი გამომკითხეს. იქ თემირლანზე საუბრობენ, ისინი ცდილობენ რაღაც არასწორი მათქმევინონ,“- აცხადებს მალხაზ მაჩალიკაშვილი.
მაჩალიკშვილი სახელმწიფო უსაფრთხოების სამსახურში გამოკითხვაზე, 2018 წლის მაისში, პარლამენტის წინ მიმდინარე აქციაზე გაკეთებული განცხადების გამო დაიბარეს.