“ამაზე გამჭვირვალედ ყოფნა, მე მგონი უკვე შეუძლებელიც არის. დღეში საშუალოდ 5 ვიზიტორი ჰყავს მიხეილ სააკაშვილს და აქ კიდევ საუბარი იმაზე, რომ რაიმე არის დაფარული, დახურული და უცნობი, არის აბსოლუტური სპეკულაცია. უკრაინის სახალხო დამცველი არის უკრაინაში სახალხო დამცველი. საქართველოში უკრაინის სახალხო დამცველი არის კერძო პირი. აქ არის მარტივად საკითხი, თქვენ ხომ არ გინახავთ არასდროს საქართველოს სახალხო დამცველი, რომელიც უცხო ქვეყანაში მიდის და საქართველოს მოქალაქეების ინტერესებს წარმოადგენს, ესეთი რამე არ არსებობს. ომბუდსმენის იურისდიქცია შემოიფარგლება იმ ქვეყნით, რომელშიც ის არის.”- თქვა “ქართული ოცნების” დეპუტატმა, შალვა პაპუაშვილმა.
