გერმანიის ბუნდესტაგის წევრი და საკანონმდებლო ორგანოში ევროპული პოლიტიკის წარმომადგენელი გიუნტერ კრიხბაუმი საქართველოსთვის ევროკავშირის წევრობის კანდიდატის სტატუსზე რეკომენდაციის არ მიღებას გამოეხმაურა. მისი თქმით, საქართველო დაჩაგრული აღმოჩნდა და ევროკომისიის გადაწყვეტილება სტრატეგიული შეცდომაა.
„ფედერალური კანცლერი კიევშია. ეს დაგვიანებულია! საბოლოოდ ის მხარს უჭერს უკრაინის და მოლდოვას კანდიდატის სტატუსს. თუმცა ის, რომ აღმოსავლეთ პარტნიორობის მესამე ქვეყანა, საქართველო, დაჩაგრული აღმოჩნდა, მძიმე ისტორიული და სტრატეგიული შეცდომაა“, – წერს კრიხბაუმი.
