ირმა ნადირაშვილი – საზოგადოება არ შეარჩენს ბიძინა ივანიშვილს

region
ავტ.: region ნოემბერი 14, 2019 14:16

ირმა ნადირაშვილი – საზოგადოება არ შეარჩენს ბიძინა ივანიშვილს

ეს ყველაფერი იყო ბიძინა ივანიშვილის სპექტაკლი და წარმოჩენილი ისე, თითქოს მას მაჟორიტარები არ ემორჩილებიან, – ამის შესახებ „ევროპული საქართველოს“ წევრმა, დეპუტატმა, ირმა ნადირაშვილმა განაცხადა პროპორციულ სისტემაზე გადასვლის შესახებ საკონსტიტუციო ცვლილებების კენჭისყრაზე ჩავარდნასთან დაკავშირებით.

მისი თქმით, ეს არის საზოგადოების შეურაცხყოფა.

„ეს პირდაპირ შეურაცხყოფაა, ამ ვერსიის შეთავაზება ქართული საზოგადოებისთვის. ბიძინა ივანიშვილი თვლის, რომ ზუსტად ახლა უკან დახევის და დარევერსების დრო არის იმ გადაწყვეტილების, რაც მან მიიღო 20 ივნისს აქციების დროს. ის თვლის, რომ ქუჩაში ახლა ადამიანები არ დგანან, რატომაც არა. დაითვალა „ქართულმა ოცნებამ“, მიხვდა, რომ პროპორციული სისტემით 2020-ში ვერ მოიგებენ და მას ურჩევნია, ახლა იყოს კრიზისი, ვიდრე 2020-ში დაკარგოს ძალაუფლება“, – განაცხადა ირმა ნადირაშვილმა.

კითხვაზე, აპირებენ თუ არა ქუჩაში, აქციებზე გასვლას, ოპოზიციონერი დეპუტატი ამბობს, რომ შემდგომ მოქმედებებზე სხვა პარტიებთან კონსულტაციებია საჭირო.

„ახალ რეალობაში გავიღვიძეთ. უნდა დავსხდეთ და ძალიან კარგად გავიაროთ, რა მოხდა და საერთოდ რა არის გამოსავალი, მათ შორის სხვა პარტიებთან კონსულტაციები უნდა იყოს აუცილებლად, მაგრამ სხვა რა გზა დაგვიტოვა ბიძინა ივანიშვილმა, მე ცოტა ვერ ვხვდები, რადგან ეს არის ჩვეულებრივად ძალაუფლების მიტაცება და ეს არის წითელი ხაზების გადაკვეთა. დაჩი ბერაიას რევოლუციის თუ ვინმეს გჯერათ „ქართული ოცნების“ შიგნით“, – განაცხადა ნადირაშვილმა.

ამასთან, კითხვაზე, როგორ წარმოუდგენია ორი სხვადასხვა საგარეო პოლუსის პარტიის ერთად დგომა, დეპუტატი ამბობს, რომ წარმოუდგენია.

„ძალიან კარგად წარმომიდგენია. ეს არ არის ერთიანი სია, ეს არ არის კოალიცია, ინაშვილის, ჩვენი, „ნაციონალური მოძრაობის“ ამომრჩევლისგან. ამ საზოგადოებამ უნდა გასცეს პასუხი ტყუილზე. მოგვატყუა ბიძინა ივანიშვილმა ჩვეულებრივად. ჩვენ პასუხი უნდა გავცეთ ტყუილზე. მაქვს მოლოდინი, რომ საზოგადოება არ შეარჩენს ბიძინა ივანიშვილს აქ მართლა ჩრდილო კორეის გამოცხადებას და არ შეარჩენს, რომ თავისი დაპირებები, ძალიან მნიშვნელოვანი არ შეასრულა და უბრალოდ გადააგდო საზოგადოება“, – განაცხადა „ევროპული საქართველოს“ წევრმა, დეპუტატმა, ირმა ნადირაშვილმა.

region
ავტ.: region ნოემბერი 14, 2019 14:16

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics