„პატრიოტთა ალიანსის“ ლიდერის თქმით, კანონპროექტი არ არის იდეალური, თუმცა ის უზრუნველყოფს სამართლიან არჩევნებს 2020 წელს, ამიტომაც ყველა ვალდებულია, მხარი დაუჭიროს მას.
„ჩვენი სათქმელი მრავალჯერ დავაფიქსირე არა მარტო ამ დარბაზში – არავინ გამოიყენოს ჩემი გამოსვლა იმისთვის, რომ საბაბად დაუდოს, ჩავარდა თქვენი გამოსვლის გამოო. ყველას მოვუწოდებ – დიდი პასუხისმგებლობა გვაკისრია, არ არის იდეალური, ბევრი შენიშვნა გვაქვს. ჩვენ ვიყავით თანმიმდევრულები – არავისთან გვივაჭრია. ვართ ვალდებულნი, მხარი დავუჭიროთ ცვლილებებს, უზრუნველვყოთ სამართლიანი არჩევნების ჩატარება. სათქმელს რა დალევს, მაგრამ ამის გამო ვიქნები სიტყვაძუნწი და მოზომილი”, – განაცხადა ირმა ინაშვილმა.
