ირმა ინაშვილი: „ენდიაი“ წლებია, საქართველოში სიცრუის გავრცელებითაა დაკავებული

თაიმერი timer.ge
ავტ.: თაიმერი timer.ge იანვარი 26, 2020 17:05

ირმა ინაშვილი: „ენდიაი“ წლებია, საქართველოში სიცრუის გავრცელებითაა დაკავებული

„პატრიოტთა ალიანსის“ ლიდერის ირმა ინაშვილის განცხადებით, „ენდიაი“ წლებია, საქართველოში სიცრუის გავრცელებითაა დაკავებული.

როგორც ინაშვილმა თბილისში, ამერიკის შეერთებული შტატების საელჩოსთან აქციაზე განაცხადა, საქართველოში „ენდიაისა“ და „აირაის“ საქმიანობა უნდა აიკრძალოს.

ამასთან, ინაშვილი აცხადებს, რომ უნდა დაიწყოს გამოძიება შესაძლო კორუფციის ფაქტზე.

„ჩვენ არ ვართ არავის კოლონია, ერთად უნდა ვუთხრათ არა ტყუილს, „ენდიაის“, „აირაის“. ხმამაღლა ვამბობთ დღეს ამერიკის საელჩოს წინ, უნდა აიკრძალოს საქართველოში მათი საქმინობა, წავიდნენ და დატოვონ საქართველო. 90-იანი წლებიდან დღემდე არის მხოლოდ ტყუილი, თავზე მოხვევა სააკაშვილების, ბოკერიების, კიდევ უნდათ ამ ლორა თორნტონებს, კრამერებს, სხვებს, რომ 2020-შიც ძალით გაიტანონ. ქართველი ხალხი არ მოგცემთ ამის უფლებას, ყველამ ავწიოთ წითელი ბარათები, ვაჩვენოთ, რომ ამას არ დავუშვებთ. ისე გვიყურებენ, თითქოს ბანანის რესპუბლიკა ვართ. ჩვენ არ ვართ ლორა თორნტონის და კრამერის საცდელი ლაბორატორია, ჩვენ ვართ დამოუკიდებელი სახელმწიფო, სუვერენული, ჩვენ გვაქვს ჩვენი ღრისება და არავის წინაშე ამ ღირსებას არ დავთმობთ. დღეს მივმართავთ ამერიკის ხელისუფლებას და ვეუბნებით, იმიტომ მოვედით ამერიკის სელჩოსთან, რომ გადასცეთ ამერიკის ხელისუფლებას ქართველი ხალხის მთავარი სათქმელი – დავიღალეთ, შეურაცხყოფილი ვართ ყველა. არა „ენდიაის“ და არა „აირაის“, არა ტყუილს, ჩვენს შეურაცხოფას. ლორა თორნტონზე საქმე უნდა აღიძრას, უნდა დაიწყოს გამოძიება კორუფციაზე და მე გარწმუნებთ, რომ ეს გამოძიება მივა იმ შედეგამდე, რაზეც ვსაუბრობ. აქ ადგილი აქვს კორუფციას. კვლევების გაყალბება დანაშაულია. ეს დანაშაული ხდება ჩვენი სახელმწიფოს ტერიტორიაზე, ჩვენ არ ვართ არავის საცდელი პოლიგონი და არ დავუშვებთ ამას“ ,- აღნიშნა ირმა ინაშვილმა.

თბილისში, აშშ-ის საელჩოსთან აქცია უკვე დასრულდა.

თაიმერი timer.ge
ავტ.: თაიმერი timer.ge იანვარი 26, 2020 17:05

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,627
ვიზიტორი
დღეში
Powered By Google Analytics