ირანული მედიის ინფორმაციით, ქალაქ ყუმზე განხორციელებული ღამის იერიშის შედეგად დაღუპულთა რიცხვი 18-მდე გაიზარდა. დაშავებულია სულ მცირე 10 ადამიანი. თავდასხმა დღეს გამთენიისას, ქალაქის პანდრისიანის რაიონში მოხდა.
თავდაპირველად გავრცელდა ინფორმაცია 6 დაღუპულის შესახებ, თუმცა მოგვიანებით სააგენტოებმა — Fars-მა და Tasnim-მა მონაცემები განაახლეს.
ირანის „წითელი ნახევარმთვარის“ საზოგადოების განცხადებით, მაშველები მუშაობენ საცხოვრებელ ზონაში, რომელიც სერიოზულად დაზიანდა.
ყუმი თეირანის სამხრეთით მდებარეობს და შიიტური სამყაროსთვის ერთ-ერთ უმნიშვნელოვანეს ცენტრს წარმოადგენს.
