ირანში საპროტესტო გამოსვლების დროს, სულ მცირე, 16 500 ადამიანი დაიღუპა და 330 ათასი დაშავდა,- ინფორმაციას „თაიმსი“ ავრცელებს.
აღნიშნული ინფორმაცია გამოცემამ ირანის საავადმყოფოებში მომუშავე სამედიცინო მუშკებისგან მიიღო, რომლებმაც მონაცემები ქვეყანაში ფარულად შეტანილი Starlink-ის სატელიტური საკომუნიკაციო ტერმინალების გამოყენებით გადასცეს.
როგორც „თაიმსი“ წერს, ანგარიშის თანახმად, რომელიც რვა მსხვილი ოფთალმოლოგიური საავადმყოფოსა და 16 სასწრაფო დახმარების განყოფილების სტატისტიკას ეფუძნება, დაღუპულთა რიცხვი 16 500-დან 18 000-მდე მერყეობს.
გამოცემის ცნობით, აქტივისტებმა ირანში დაახლოებით 50 000-60 000 Starlink ტერმინალის შეტანა მოახერხეს, თუმცა მათი გამოყენება სასიკვდილო რისკთანაა დაკავშირებული, რადგან უსაფრთხოების ძალები რეიდებს ატარებენ თანამგზავრული ანტენების იდენტიფიცირების მიზნით.
ირანის ხელისუფლების ოფიციალური მონაცემებით, საპროტესტო გამოსვლების დროს ქვეყანაში 5 000 ადამიანი დაიღუპა, მათ შორის უსაფრთხოების ძალების 500 თანამშრომელი.
