“ირანის ისლამური რევოლუციის გუშაგთა კორპუსის” ხათამ ალ-ანბიას ცენტრალური შტაბ-ბინის პრესსპიკერმა განცხადება გაავრცელა.
მისი განმარტებით, თეირანი რეგიონში აშშ-ის ინფრასტრუქტურას დაარტყამს, თუ აშშ-ის პრეზიდენტი დონალდ ტრამპი თავის მუქარას შეასრულებს და ირანის ელექტროსადგურებს დაესხმება თავს.
„თუ მტერი თავს დაესხმება ირანის საწვავისა და ენერგეტიკის ინფრასტრუქტურას, რეგიონში არსებული აშშ-სა და რეჟიმის კუთვნილი ენერგეტიკული, საინფორმაციო ტექნოლოგიებისა და გამტკნარების ინფრასტრუქტურა სამიზნე გახდება“, – აღნიშნა ხათამ ალ-ანბიას ცენტრალური შტაბ-ბინის წარმომადგენელმა.
ცნობისთვის, აშშ-ის პრეზიდენტმა დონალდ ტრამპმა რამდენიმე საათის წინ სოციალურ ქსელში დაწერა, რომ თუ თეირანი ჰორმუზის სრუტეს 48 საათში არ გახსნის, აშშ მის ელექტროსადგურებს დაარტყამს და გაანადგურებს.
