ირანში 19 წლის სპორტსმენი, მოჭიდავე სალეხ მოჰამადი სიკვდილით დასაჯეს. ის ქალაქ კუმში საჯაროდ ჩამოახრჩვეს. ამის შესახებ haqqin.az იუწყება.
მოჰამადისთან ერთად სიკვდილით კიდევ ორი ადამიანი დასაჯეს. სასამართლომ ისინი დამნაშავედ ცნო 2026 წლის იანვარში ანტისამთავრობო პროტესტების დროს ორი პოლიციელის მკვლელობაში და ისრაელისა და აშშ-ის ინტერესებში ანტისახელმწიფო ქმედებების ჩადენაში.
მოჰამადი ძალზე პერსპექტიულ სპორტსმენად ითვლებოდა, 2024 წლის შემოდგომაზე მან რუსეთში გამართულ ტურნირზე მესამე ადგილი აიღო და ირანის ნაციონალურ გუნდში ოფიციალური მოწვევა მიიღო.
საერთაშორისო უფლებადამცველი ორგანიზაციების ცნობით, ირანში ასეთი საქმეების განხილვა, განაჩენის გამოტანა და მისი სისრულეში მოყვანა ძალზე სწრაფად ხდება. მოჰამადი 15 იანვარს დააკავეს, ხოლო სიკვდილით დასჯა მას 4 თებერვალს მიუსაჯეს. გამოძიებას და სასამართლო განხილვას მხოლოდ სამი კვირა დასჭირდა.
