ირანის სახელმწიფო მაუწყებელი Press TV, „მაღალი რანგის პოლიტიკურ-უსაფრთხოების ოფიციალურ პირზე“ დაყრდნობით იტყობინება, რომ თეირანმა ვაშინგტონის შეთავაზება ომის დასრულების შესახებ დაბლოკა. ირანული მხარე მიიჩნევს, რომ აშშ-ის პირობები „ზედმეტი და გადამეტებულია“.
„ირანი ომს მაშინ დაასრულებს, როცა თავად გადაწყვეტს და როცა მისი პირობები შესრულდება“, — აცხადებს ანონიმური მაღალჩინოსანი.
ირანის 5 ულტიმატუმი:
-
აგრესიისა და მკვლელობების შეწყვეტა: მტრის მხრიდან თავდასხმებისა და მიზანმიმართული მკვლელობების (ასასინაციების) სრული გაჩერება.
-
უსაფრთხოების გარანტიები: კონკრეტული მექანიზმების შექმნა, რაც გამორიცხავს ომის განახლებას ისლამური რესპუბლიკის წინააღმდეგ.
-
რეპარაციები: ომით მიყენებული ზარალის ანაზღაურების მკაფიო და გარანტირებული გადახდა.
-
გლობალური დაზავება: ომის დასრულება ყველა ფრონტზე და რეგიონში მოქმედი ყველა „წინააღმდეგობის ჯგუფისთვის“ (პრო-ირანული დაჯგუფებები).
-
ჰორმუზის სრუტე: საერთაშორისო აღიარება და გარანტიები ირანის სუვერენულ უფლებაზე, განახორციელოს კონტროლი ჰორმუზის სრუტეზე.
